Albisteak

Kataluniako "Prozesuak" eragin nabarmena izan du euskal twitterlarion jardunean

2017-11-25 13:01

Azken hilabete luzeotan euskal txiolarien ohiturak nahiko egonkortuta egon dira, aurtengo udazkena iritsi arte. Iraila-urrian marka guztiak hautsi dira. Sekula baino gehiago erabili dugu Twitter informazioa jaso eta partekatzeko. Sekula baino txio gehiago bota ditugu, eta birtxio portzentajea ere ikaragarri hazi da. Hizkuntza guztietan gertatu da igoera hori, baina nabarmena izan da katalanaren igoera (200.000 txio inguru katalanez). Kataluniako prozesuak eragin zuzena izan du, pentsa zitekeen bezala, euskal twitterlarion jardunean.

Gehiago irakurri...

 

Twitterreko euskarazko jardunaren laburpena 2016

2017-04-18 07:32

Umap tresnaren bidez Twitterreko euskarazko jarduna filtratu, bildu eta aztertzen dugu. 2016an zehar Twitterren jardun duten 15.000 txiolariren txioak aztertu ditugu. Guztira 6,2 milioi txio bota dituzte guztien artean, %42 euskaraz. Egunean, batez beste, 7.000 txio euskaraz. Txiolarien profilari dagokionez, %66 gizonezkoak dira eta %34 emakumezkoak. Gehien goizez txiokatzen dugu, eta asteazkenetan. Horrez gain, urtean zehar aktiboenak izan diren txiolarien kontuak ere aztertu ditugu, edota gehien partekatu ditugun informazio-iturri, albiste eta bideoak zeintzuk diren ere jaso dugu. Hona hemen 2016. urteak zer eman duen Twitterreko euskaldunon komunitatean.

Gehiago irakurri...

 

"Txiolari saiatuenen" profila Diario Vascon, Umapen 2016ko datuak oinarri hartuz

2017-03-20 12:34

Asteburu honetan Twitterreko euskaldunon inguruko albistea argitaratu du Diario Vasco egunkariak. Joan zen astean Umapek argitaratutako laburpen-txostena oinarri hartuz, "txiolari saiatuengan" ipini du fokua Felix Ibargutxik eta bakoitzaren profil labur bat azpimarratu du. Nortzuk dira 2016an euskaraz gehien txiokatu duten horiek?

Gehiago irakurri...

 

Zeintzuk dira jarraitzaile gehien dituzten euskal twitterlariak

2016-07-14 12:01

Twitter bidez egin dute galdera hori asteburuan: zeintzuk dira jarraitzaile gehien dituzten euskal txiolariak? UMAP.eus erremintari esker jakin dezakegu hori. Izan ere, UMAPek Twitterreko euskarazko jarduna batu eta aztertzen du eta, besteak beste, euskaraz ari diren Twitter kontu jarraituenak zeintzuk diren jakin dezakegu. Zalantzarik gabe, une honetan Asier Illarramendi (@illarra4) futbolaria da euskaraz egiten duen txiolari jarraituena (385.905 jarraitzaile). Hona hemen zerrendako hurrengoak.

Gehiago irakurri...

 

Lehendakarien hizkuntza erabilera Twitterren

2016-02-29 10:35

Iñigo Aranbarri idazleak, Berrian argitaratzen duen bere iritzi-zutabean, agintarien euskara erabileraren gaiari heldu dio. Hizkuntza bizi dadin izeneko zutabean, aipatzen zuen nola Iñigo Urkullu lehendakariak gaztelania lehenesten duen bere Twitterreko profilean. Umapen Twitterreko euskarazko jarduna aztertzen dugu, eta euskal txiolarion euskara-erabilera ere aztertzen dugu. Hiru lehendakari ditugu Twitterren (Iñigo Urkullu, Patxi Lopez eta Juan Jose Ibarretxe). Euren euskara-erabilera neurtu dugu, 2014tik hona idatzi dituzten txio guztiak aztertuta. Hona emaitzak: Ibarretxek %33,9 euskaraz; Urkulluk %24,1; Lopezek %0,4.

Gehiago irakurri...

 

Aurpegia berritu diogu Umapi

2016-02-10 09:42

Azken egunotan aldaketa batzuk egin ditugu gure webgunean. Hasteko, aurpegia berritu diogu Umap.eus webgunearen sarrera-orriari. Lehen euskarazko txioen streaming-ak hartzen zuen zatirik handiena, eta zerrenda/estatistikak bazter batean genituen. Hemendik aurrera, rankin eta estatistikak nabarmenduko dira azalean. Izan ere, txioen streaminga kendu egin dugu Umap aplikaziotik, eta horrek ondorio batzuk ere izango ditu datuen azterketan, datozen egunotan azalduko dugun bezala.

Gehiago irakurri...

 

Euskal txiolarien profilaz datu batzuk, Umapeko erabiltzaileak aztertu ondoren

2015-12-04 09:18

Azken asteotan zenbait aldaketa eta hobekuntza egiten ibili gara Umap.eus proiektuan. Besteak beste, Ranking sektorialak argitaratu ditugu, eta horiei esker, euskal txiolarien profilaren inguruko zenbait datu lortu ahal izan ditugu. Euskarazko Twitter kontuen erdia, gutxi gorabehera (%46), kontu pertsonalak dira, eta %12 hedabideei lotutakoak. Txiolarien artean, %71 gizonezkoak dira eta %29 andrazkoak.

(artikulu hau CS blogean agertu zen lehenengo, 2015eko azaroaren 4an).

Gehiago irakurri...

 

Euskal txiolarien Rankingak esparruka, UMAPen

2015-11-11 10:40

UMAPen 5 urte daramatzagu Twitterreko euskarazko jarduna jaso eta aztertzen. Besteak beste, euskal txiolarien zerrenda eta rankinak ere plazaratzen ditugu. Gaurtik aurrera, zerrenda horiek sektoreka kontsultatzeko aukera gehitu dugu: Hedabideak, Administrazioa, Enpresak, Norbanakoak, eta abar. Euskal komunitatearen itxura zabalagoa emateko asmoz.

(artikulu hau Sustatun agertu zen lehenengo)

Gehiago irakurri...

 

Umap proiektuaz elkarrizketa Hala Bedi irratian

2015-10-29 11:12

Atzo arratsaldean elkarrizketa egin ziguten Hala Bedi irratirako. Zebrabidea saioko Igor Goikoleak gure lankide Asier Sarasua elkarrizketatu zuen. Dagoeneko sarean dago entzungai, Arrosa irrati-sarearen bidez.

Gehiago irakurri...

 

Twitterreko euskal komunitatea eta euskararen erabilera: 2015eko iraileko estatistikak

2015-10-23 13:40

Iraileko datuen laburpena dakarkigu. Azken hilabetean 6.715 erabiltzaile aktibo izan ditugu gure zerrendan. Idatzitako txioei dagokionez, komunitateko erabiltzaile aktibo horiek 411.352 txio bota ditugu sarera (%52,06 euskaraz). Egunero, bataz beste, 7.138 euskarazko txio argitaratu dira.

Gehiago irakurri...

 

Umap .EUS izango da aurrerantzean

2015-10-14 11:22

Gure erabiltzaile batzuk konturatu diren bezala, joan den astetik helbide berria dauka Umap honek: Umap.EUS izango gara aurrerantzean. Bai, egia, ez gara azkarrenak izan, baina hortxe gaude gu ere .EUS etxearen magalean.

Gehiago irakurri...

 

Politikarien euskara erabilera Twitterren, hauteskunde bezperan

2015-05-12 10:42

Hauteskunde-kanpaina puri-puri dagoela, politikariak bizi-bizi dabiltza sare sozialetan boto bila. Baina zer hizkuntza darabilte horretarako? Politikarien Twitterreko kontuak aztertu ditugu, eta hauexek dira datu nagusiak:

  • Euskal Herriko politikarien artean, oro har, erdarak dira nagusi (%70-%80) eta euskara %20 inguruan dabil.
  • Alderdika aztertuta ere, alderdi bakar batean ere ez da euskara nagusi hautetsien artean.
  • Aldea nabarmena da alderdi abertzaleen (euskara %20-%40 bitartean) eta ez abertzaleen artean (%0-%1).
  • Lurraldeka, Gipuzkoako hautetsiak dira euskara gehien erabiltzen dutenak.

(Artikulu hau Sustatun agertu zen lehenengo)

Gehiago irakurri...

 

Umap Iturriak: euskaldunok Twitterren partekatzen ditugun loturen jarraipena

2015-02-26 09:23

Codesyntaxen garatu dugun UMAP aplikazioan berrikuntzak plazaratu ditugu azken egunotan. UMAP Iturriak atala berregituratu eta indartu dugu, euskaldunok Twitterren partekatzen ditugun lotura edo iturri informatiboen inguruko estatistikekin. Egunez egun (eta hilez hil) euskaldunok zer hedabide eta iturri partekatzen ditugun, zer neurritan, zenbat URL ezberdin iturri bakoitzeko, eta abar. Azken batean, Twitterren gabiltzan euskaldunontzat zeintzuk diren gure erreferentziazko iturriak, eta bakoitza zer neurritan.

Gehiago irakurri...

 

UMAP Zeitgeist 2014: iaz Twitterren hizpide izan duguna

2015-01-27 09:27

2014a joan zitzaigun, eta 2015a ere hasi da bere martxa hartzen. Bada garaia iazko urtean zehar UMAPen jaso genituen datuei begirada bat botatzeko eta 2014ak euskaldunon artean hizpide izan dituen gai nagusien laburpena egiteko, Twitterren erabilitako traolen bidez. Politika, kultura, aldarrikapenak, ipuinak... denetarik izan genuen Twitterren 2014an zehar. Honatx!

Gehiago irakurri...

 

Euskararen egunean, euskararen erabilera %67koa izan zen euskal twitterlarien artean

2014-12-04 09:32

Atzoko egunean euskal twitterlariek botatako txioak aztertu ditugu. Guztira 19.254 txio bota zituzten Umapen zerrendatuta dauden 5.100 txiolarien arten. Txio guzti horien artean, %67,6 euskaraz izan zen (gainontzekoak erdaraz, batez ere gaztelaniaz). Gehien erabili zen traola, askogatik, #eusgara izan zen. Egun arrunt batean baino %45 gehiago txiokatu zen, eta euskara-erabilera ere nabarmen hazi zen.

Gehiago irakurri...

 

Ipar Euskal Herriko txiolarien datu soziolinguistiko zenbait

2014-10-07 12:03

Ttitto Betbederren laguntzarekin, Ipar Euskal Herriko euskal txiolariak identifikatu ditugu, eta euren jardueraren inguruko zenbait datu laburbilduko dizkizuegu: Iparraldeko twitterlariek %65 txiokatzen dute euskaraz, %10-15 frantsesez eta eta %6-8 espainolez.

Gehiago irakurri...

 

Euskarazko informazio iturrien rankinga

2014-03-07 12:32

Iragan urteko maiatzean Umapek jasotzen dituen mezuen analisi berezia egin genuen, euskaldunok Twitterren partekatzen ditugun iturriak aztertuz. Funtsean, euskaldunok zein iturri partekatzen ditugun jakin nahi genuen. Eskuz eta kalkulu orri bidez eginiko analisi hura automatizatu egin dugu, modu sinplean oraingoz, iturrien ranking-a sortuz.

Gehiago irakurri...

 

Twitterreko euskal komunitatea eta euskararen erabilera: urriko estatistikak

2013-11-23 17:42

Urrian zehar, orotara, 6.401 erabiltzaile aktibo izan ditugu gure zerrendan. Idatzitako txioei dagokionez, komunitateko erabiltzaile aktibo horiek 534.793 txio bidali ditugu (%50,44 euskaraz). Egunero, bataz beste, 8.701 euskarazko txio argitaratu dira.

Gehiago irakurri...

 

Twitterreko euskal komunitatea eta euskararen erabilera: iraileko estatistikak

2013-10-29 09:12

Udako atsedenaldiaren ondoren, hona hemen berriro euskal twiterlarien inguruko estatistiken laburpena. Irailean zehar, orotara, 6.056 erabiltzaile aktibo izan ditugu gure zerrendan. Idatzitako txioei dagokionez, komunitateko erabiltzaile aktibo horiek 485.398 txio bidali ditugu (%48,45 euskaraz). Egunero, bataz beste, 7.838 euskarazko txio argitaratu dira.

Gehiago irakurri...

 

Euskarazko informazio iturrien ranking baterako lehen urratsa

2013-06-21 16:39

Duela gutxi argitaratu genuen maiatzeko Umap-en jarduna. Gaur, maiatzeko datu horietatik beste azterketa bat egin dugu, agian laster "euskarazko iturrien ranking-a" osatzeko balio dezakeena. Maiatzean izandako 275.000 euskarazko txioak hartu ditugu, eta haietan partekaturiko URL guztiak zenbatu ditugu. Ariketak galdera bati erantzuteko balio dezakeelakoan gaude: "Ze iturritako informazioa trukatzen dugu euskaldunok sarean?"

Gehiago irakurri...

 

Emaitzak: 26 | Orriak: 1 2